ကာကွယ်ဆေးထိုးရာမှ မိုင်းကိုင်မြို့နယ် ကလေးငယ်တစ်ဦးသေဆုံး

ကာကွယ်ဆေးထိုးရာမှ မိုင်းကိုင်မြို့နယ် ကလေးငယ်တစ်ဦးသေဆုံး

မိုင်းကိုင်မြို့ကျန်းမှာရေးဝန်ထမ်းများနှင့် ကျောပိုးအိပ်ကျန်းမာရေးဆေးလုပ်သားတို့ ပူပေါင်းပြီး ဒေသကွင်းဆင်း ကာကွယ်ဆေးထိုးရာမှ ကလေးတစ်ဦး သေဆုံးခဲ့ရကြောင်း သတင်းရရှိသည်။

ပြီးခဲ့သည့် ၂၀၁၉ ခုနှစ် သြဂုတ်လ ၁၀ ရက်နေ့တွင် မိုင်းကိုင် မြို့ကျမ်းမာရေးဝန်ထမ်းများနှင့် ကျောပိုးအိပ်ကျန်းမာရေးဆေးလုပ်သားတို့ ပူပေါင်းပြီး မိုင်းကိုင်မြို့နယ် မိုင်းခွန်ကျေးရွာအုပ်စု ဝမ်ဆမ်ကျေးရွာတွင် ကွင်းဆင်း၍ဒေသခံကလေးငယ်များ ကာကွယ်ဆေးထိုးပေးခဲ့ကြောင်းသိရသည်။

ကာကွယ်ဆေးထိုးသည့်ကလေးများ အနက် အသက် ၃ နှစ်အရွယ် စိုင်းနွမ်မိန်းသည် ကာကွယ်ဆေး ဆေးထိုးပြီးနောက်တစ်ရက်အကြာတွင် ကိုယ်အပူချိန်မြင့်တက်ပြီး သြဂုတ်လ ၁၃ ရက်နေ့ အထိ (၃ရက်တိုင်အောင်) မသက်သာသည့်အပြင် ကျင်ငယ်စွန့်ရာတွင် သွေးပါသဖြင့်  မိုင်းခွန်ကျေးရွာအုပ်စု ကုန်းခွမ်ကျေးရွာရှိ အစိုးရဆေးခန်းသို့ ပြသရန် သွားရောက်ရာတွင် ဆေးခန်း၌ တာဝန်ကျ ဆရာ / ဆရာမ ရှိမနေသဖြင့် ၂ နာရီခန့် စောင့်ဆိုင်းနေရပြီး ထိုမှတဆင့် မိုင်းကိုင်မြို့ဆေးရုံသို့ သယ်ဆောင်ရာ ဆေးရုံမရောက်ခင်လမ်းထက်ဝက် မိုင်းကိုင်မြို့နယ် ဝမ်ဟွေကျေးရွာအုပ်စု နောင်လီကျေးရွာ အနီးတွင် ကွယ်လွန်သွားခဲ့ကြောင်း သိရသည်။

ကာကွယ်ဆေးထိုးပြီး အသက် ၃ နှစ်အရွယ် စိုင်းနွမ်မိန်း ကွယ်လွန်ပြီးနောက်   ၂၀၁၉ ခုနှစ် သြဂုတ်လ ၁၄ ရက်နေ့တွင် မိုင်းကိုင်ဆေးရုံမှ ဆရာဝန်နှင့် ကျန်းမာရေးဝန်ထမ်းများ မိုင်းကိုင်လွတ်တော်ကိုယ်စလှယ် လုံစိုင်းလုံ နှင့်အတူ  ဝမ်ဆမ်ကျေးရွာ ဒေသခံများအား သွားရောက်တွေ့ဆုံခဲ့ကြောင်း သိရသည်။

Taifreedom

Leave a Reply

Your email address will not be published. Required fields are marked *