ဆန်ဝယ်လာသည့်ဒေသခံရွာသားအား တပ်မတော်၏ရိုက်နှပ်ခြင်းခံရ

ဆန်ဝယ်လာသည့်ဒေသခံရွာသားအား တပ်မတော်၏ရိုက်နှပ်ခြင်းခံရ

သျှမ်းပြည်အရှေ့ပိုင်း မိုင်းဆတ်ခရိုင် မိုင်းပျဥ်းမြို့နယ် မိုင်လျဲန်းကျေးရွာတွင် ဆန်အဝယ်မှပြန်လာသည့် ဒေသခံရွာသားအား တပ်မတော်တပ်သားမှ ရိုက်နှပ်ခြင်းများပြုလုပ်ခဲ့ကြောင်း သတင်းရရှိသည်။

အဆိုပါ ဒေသခံသည် မိုင်လျဲန်းကျေးရွာ နေထိုင်သည့် လုံးဇာဟေ နှင့် ပါနိုင်းဟေ တို့၏သားဖြစ်သူ ဇာပေါ အသက် ၃၂ နှစ် လားဟူလူမျိုးဖြစ်ကြောင်း သိရသည်။

ပြီးခဲ့သည့် ၂၀၁၉ ခုနှစ် ဇူလိုင်လ ၆ ရက်နေ့ ည ၆ နာရီခန့်၌ မိုင်လျဲန်ရွာသား ဇာပေါ အသက် ၃၂ နှစ် သည် တောထဲတွင် သစ်ဆေးရှာဖွေဖို့ညအိပ်သွားရန်ဆိုသည့် အစီအစဥ်ဖြင့် ဆန်သွားဝယ်ပြီး အိမ်အပြန်လှမ်းတွင် တပ်မတော် ခမရ ၅၇၉ အင်းအား ၂၀ ခန့်နှင့် ဆုံမိပြီး တပ်သားများမှ ဇာပေါအား ခေါ်ယူစစ်ဆေးပြီး ဇာပေါသည် ဆန်သွားဝယ်ပြီး သျှမ်းတပ်မတော်အား ပို့ပေးမည်ဟု စွပ်စွဲကာ ပြင်းပြင်းထန်ထန်ရိုက်နှပ်ခဲ့ပြီး ည ၇ နာရီမှ ဇာပေါအား အိမ်ပြန်လွတ်ပေးခဲ့ကြောင်း ဒေသခံတစ်ဦး၏ ပေးပို့ချက်အရ သိရသည်။

ခြေမြန်တပ်ရင်း  (ခမရ) အမှတ် (၅၇၉)သည် မိုင်းဆတ်အခြေစိုက်ထားပြီး တြိဂံဒေသတိုင်းစစ်ဌာနချုပ်(ကျိုင်းတုံ) အမှတ် (၁၄) စစ်ဆင်ရေးကွပ်ကဲဌာနချုပ် လက်အောက်ခံတပ်ရင်းဖြစ်ကြောင်း သိရသည်။

Taifreedom

Leave a Reply

Your email address will not be published. Required fields are marked *